"من بۆچی بە ئەخلاق بم" ئەو دێڕەی فەلسەفەی ئەخلاقی نوێی هێنایە ئاراوە، ئەو پرسیارەی هەموو عەوداڵی بوین.. لە بابەتی پێشودا باسێكی گشتیمان لە بارەی ئەخلاقەوە وت، هەوڵەدەین لەم بەشەدا درێژەی پێ دەدەین و زیاتر لەبارەی سیفاتە ئەخلاقدارییەكان بدوێن، ئەخلاق لەگەڵ ئەوەی بابەتێكی تەواو خودی و ناوەكی مرۆڤە، بەڵام ئەم جەوهەرە پڕمانایا بەدەرناكەوێت تا لە فەزا پڕ چەنجاڵەكاندا بەرجەستە نەبێت، ئەوكاتەی ناچێتە دەرەوەی مرۆڤ ئیدی نرخێكی ئەوتۆی نامێتێت، دیارترین سیفاتی كەسی ئەخلاقدار ئەوەیە ناكرێت بیباك بێت بەرامبەر ئەخلاقەكەی، ئەم نوورە وجودیە ئەبێت تەنها لای خۆی نەمێنێتەوە، بەڵكو بچێتەدەرەوەی خۆی. ئەخلاق سنوری دونیای فانی تێدەپەڕێنێت، ئەوەی ئەخلاقدارە ئەوە گەشتۆتە پلەی (خِيَارِكُمْ أَحَاسِنَكُمْ