بایه‌خدان به‌ ژانره‌كانی بواری فه‌لسه‌فه‌ی هونه‌ر و تیۆریای ئه‌ده‌ب و ره‌وتی ره‌خنه‌كاری له‌و بوارانه‌دا، به‌ مه‌به‌ستی به‌شداریكردن له‌ سازاندنی زه‌مینە‌ی داهێنان له‌ فه‌رهه‌نگی كوردیدا.

ئه‌نجامدانی توێژینه‌وه‌ له‌ چه‌مكه‌ نوێیه‌كانی سه‌رده‌می نوێ و بایه‌خدان به‌و بوارانه‌ی له‌ رۆشنبیریی كوردیدا وه‌ک پێویست لایان به‌لادا نه‌كراوه‌ته‌وه‌، وه‌ک (وجود، ئه‌خلاق، دادپەروەری، مه‌رگ ….هتد)

كاركردن له‌سه‌ر رۆشنبیریی نوێی ئایینی و فه‌لسه‌فه‌ی ئایین و ئایینناسی، به‌و پێیه‌ی كه‌ ئایین كۆڵه‌كه‌یه‌كی سه‌ره‌كیی پێكهێنانی کولتوور و فه‌رهه‌نگی كوردییه‌.

ئه‌نجامدانی تویژینه‌وه‌ی زانستی له‌سه‌ر پرسه‌ سیاسییه‌كان و رەنگدانەوەیان له‌ پڕۆسه‌ی حوكمڕانی تەندروست.

كاركردن لە کایەکانی وه‌ک دیالۆگ و یه‌كترخوێندنه‌وه‌ و لێكگه‌شتن و په‌روه‌رده‌ی مه‌ده‌نی و مافی مرۆڤ و خوێندنه‌وه‌یان له‌ رووی هزری و فه‌لسه‌فییه‌وه‌.

كاركردن بۆ كه‌مكردنه‌وه‌ی هه‌ژموونی ئایدیۆلۆژیا به‌سه‌ر گوتاری رۆشنبیرییه‌وه‌.

ناساندنی كایه‌كانی فه‌لسه‌فه‌ و مه‌عریفه‌ به‌ لاوان و ژنان و په‌ره‌پێدانی به‌هره‌ رۆشنبیرییه‌كانیان.

ئاشنابوون به‌ كولتوور و فه‌رهه‌نگی نه‌ته‌وه‌ جیاوازه‌كان و ناساندنیان به‌ رۆشنبیریی كوردی.

كاركردن بۆ پاراستنی تایبه‌تمه‌ندیی زمانی كوردی و چه‌سپاندنی زمانی ستانداردی كوردی.

به‌شداریكردن له‌ زیندووڕاگرتنی كایه‌ی هزری و فه‌لسه‌فی له‌ رۆشنبیریی كوردیدا.