بایه‌خدان به‌ ژانره‌كانی بواری فه‌لسه‌فه‌ی هونه‌ر و تیۆریای ئه‌ده‌ب و ره‌وتی ره‌خنه‌كاری له‌و بوارانه‌دا به‌مه‌به‌ستی به‌شداریكردن له‌ سازاندنی زه‌مینیه‌ی داهێنان له‌ فه‌رهه‌نگی كوردیدا.

ئه‌نجامدانی توێژینه‌وه‌ له‌ چه‌مكه‌ نوێیه‌كانی سه‌رده‌می نوێ و بایه‌خ دان به‌و بوارانه‌ی له‌ رۆشنبیری كوردیدا وه‌ك پێویست لایان به‌لادا نه‌كراوه‌ته‌وه‌ وه‌ك ( وجود ، ئه‌خلاق، گه‌شه‌پێدان، عه‌داله‌ت، مه‌رگ ….هتد)

كاركردن له‌سه‌ر رۆشنبیری ئایینی نوێ و فه‌لسه‌فه‌ی ئایین و ئایینناسی به‌و پێیه‌ی كه‌ ئایین كۆڵه‌كه‌یه‌كی سه‌ره‌كی پێكهێنان كه‌لتور و فه‌رهه‌نگی كوردییه‌.

به‌شداریكردن له‌ پرۆسه‌ی حوكمرانی ته‌ندروستدا به‌ ئه‌نجامدانی تویژینه‌وه‌ی زانستی له‌سه‌ر پرسه‌ سیاسیه‌كان و له‌ پرۆسه‌ی حوكمرانیدا.

كاركردن بۆ گه‌شه‌دان به‌ به‌ها جیهانیه‌كانی وه‌ك دیالۆگ و یه‌كتر خوێندنه‌وه‌و لێكگه‌شتن و په‌روه‌رده‌ی مه‌ده‌نی و مافی مرۆڤ و خویندنه‌وه‌یان له‌ رووی فیكری و فه‌لسه‌فیه‌وه‌.

كاركردن بۆ كه‌مكردنه‌وه‌ی هه‌ژمونی ئایدۆلۆژیا به‌سه‌ر گوتاری رۆشنبیرییه‌وه‌.

ناساندنی كایه‌كانی فه‌لسه‌فه‌ و مه‌عریفه‌ به‌ لاوان و ژنان په‌ره‌پیدانی به‌هره‌ رۆشنبیریه‌كانیان.

ئاشنا بوون به‌ كه‌لتور و فه‌رهه‌نگی نه‌ته‌وه‌ جیاوازه‌كان و ناساندنیان به‌ رۆشنبیری كوردی.

كاركردنی بۆ پاراستنی تایبه‌تمه‌ندی زمانه‌وانی زمانی كوردی و كاركردن بۆ چه‌سپاندنی زمانی ستانداردی كوردی.

به‌شداریكردن له‌ زیندوراگرتنی كایه‌ی فیكریی و فه‌لسه‌فی له‌ رۆشنبیری كوردیدا.